Sa festa de su Santu Amparadori, Santu Micheli, est acabbada de una pariga de dis, ma sa cresia de Santu Micheli abarrat serrada.

Sardenya i Lliberat, paris a Sarbadori Scala, Carrulu Sechi, Luisu Addis e Sergiu Floris, si pregontant chi mai at essi torrada a oberri.

“Immoi ca finas s’urtimu gesuita at lassau sa cresia de Santu Micheli, po mori ca est tropu beciu, sa comunidadi de is Gesuitas acabbat ancora una bia s’opera chi amostaiat in citadi. A totu custus paras chi ant trabbagliau in totu custus annus depeus torrai gratzias po totu”, scrint de su diretivu de su movimentu politigu. Sa cresia de Santu Micheli de Salighera tenit un’acapiu cun sa Cumpangia de Gesusu (ordini religiosu postu in peis de Sant’Ignatziu de Loyola) chi addurat de seculus medas. “Su lompimentu de is gesuitas in Alghero, sustenniu cun interessu mannu de sa genti, fudi s’arresurtau de s’agiudu intru de is autoridadis civilis e cussas religiosas, chi erribaiat a pustis una eredidadi de su canonigu Bainzu Carrovira chi in segus est diventada de prus cun su dinari de su capitanu algehresu Geromino Ferret. Sa presentzia in citadi de is religiosus de sa Cumpangia de Gesusu, cicada in donnia de is autoridadis civilis est stetia tenta gratzias a su piscamu Andria Baccallar”, arregodant is referentis de Sardenya i Llibertat.

“A pustissa pesta manna de su 1582-1583, chi iat mortu genti meda intru de is algheresus, in su 1584 funt lompius in Salighera is primus paras gesuitas is cali si funt postus in Santu Micheli, arregalada a sa Cumpangia de Gesussu de su Piscamu po agiudai s’aposentamentu de sa comunidadi. Una cresia de prestigiu in cantu, po una parti de sa metadi de su seculu de XVI, faiat de Catedrali, in su mentris chi s’aspetaiat su fraigamentu de cussa de Santa Maria”.

De tantu Santu Micheli est stetiu unu puntu frimu po sa religiosidadi de sa genti e, massimamenti, po su pesamentu de sa cultura.

 

 

 

 

 

Màuru Mura

 

 

 

Martis, su cuindixi de su mesi de talamini de su 2024

 

 

Attività realizzata col contributo della Regione Sardegna – Imprentas 2023-2024. Legge Regionale 22/2018

 

 

Ativadi apariciada cun s’agiudu de sa Regioni Sardigna – Imprentas 2023-2024. Lei Regionali 22/2018

 

 

Foto: https://www.sardegnaturismo.it/it/esplora/san-michele-alghero