A pustis is tres partidas perdias de sighiu in campionau, po su Casteddu, oi a is ses de mericeddu, lompit un’atra partida in sa Domus. Est a nia cussa chi balit po sa Coppa italia contras de sa Cremonese de Stroppa. Una partida sica: o si bincit po andai a innantis in sas manifestada, o si perdit e si nci bessit a foras. Is giogadoris ddu erribant a pustis chi s’est decidiu de abarrai totu paris po una cida. “Est stetia una decisioni pigada de acordiu de diretori, presidenti e allenadori”, narat Davidi Nicola. “No est chi eus tentu problemas fisicus, perou intru de partidas cun is natzionalis e su disigliu de trabagliai cun prus atentzoni eus decidiu de fairi custu sceberu, bistu ca sa Coppa Italia est intru de cida”.
Su Casteddu in campionau est s’urtimu cun feti unu gol fatu, finas chi at tentu sa possibilidadi de giogai cuatru partidas in is murus amigus. Nicola pedit una reatzioni a is giogadoris: “Seus giustamenti arriolaus e in sa cunditzioni de fairi meglius de cussu chi seus fendu. Scieus ca funt passadas cincu partidas e su tempus po ponni in campu is pensadas chi teneus ci funt totus. Podit sussediri, intru de unu campionau, de sbagliai una partida: sa cosa chi boleus est cussa de agatai solutzionis e sa possibilidadi de sighiri cantu de bonu seus fendu, migliorendu cussu chi andat migliorau”.
Is piciocus chi oi ant a calai in campu de su cumentzu ant essi atrus cunforma a cussus de is atras partidas: “Calencuu si depit pasai, ca at giogau ses partidas de sighiu. Est de importu, po su campionau chi depit fairi su Casteddu, a tenni sempiri prus giogadoris a disponimentu. Sa Coppa Italia est una partida de interessu mannu po nosu, ma at a cumentzai calencunu chi at giogau prus pagu de is atrus. boleus amostai ca non seus mai frimus”, sighit s’alleandori piemontesu de su Casteddu.
Màuru Mura
Martis, su binticuatru de cabidanni de su 2024
Attività realizzata col contributo della Regione Sardegna – Imprentas 2023-2024. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2023-2024. Lei Regionali 22/2018
Foto: https://www.dazn.com/it-IT/news/altro/coppa-italia-premi-quanto-guadagna-vincitore/1l617gexe6ab11tjv6zr3x5xcq
