Is preguntas parlamentaris de una parti e de s’atru su timiri in is possibilis disacatus in pissu de s’aprontu de su G7 de sa Cultura chi s’at a tenni de su 19 a su 21 de cabidanni, in Napoli e Pompei. Est unu misteriu sa chistioni de “s’agiudanti” de su ministru de sa Cultura Maria Rosaria Boccia, ma Giorgia Meloni difendit Sangiuliano e assegurat ca non c’at essi perunu problema po sa seguresa de s’atobiu.
Su ministru, narat sa presidenti de su guvernu, “mi garantit ca custa femina no est imbucada in perunu paperi, massimamenti po cussu chi pertocat su G7 e massimamenti mi garantit chi mancu un’euru de is italianus e de su dinari pubricu est stetiu spaciau po issa”. Prus che a totu, “custas funt is cosas chi a mei intereressant po su guvernu, a pustis is ciaciarradas ddas lassu a is atrus poita a mei non m’interessant”.
Galu citius in su Collegiu Romanu, aunia s’est amostau eris su ministru finas po acabbai de aprontai su programa po su G/ chi s’at a connosciri in is dis benientis. Sa chistioni est ca in custu contu si fueddaiat de is bisitas de Maria Rosaria Bocia, paris a is agiudantis de su ministru, in Pompei aunia po is ministrus de is guvvernus strangius si iant depiri tenni una bisita a su Parcu Archeologicu, unu cuncertu de sa diretora de orchestra, e consigliera de su ministru, Beatrice Venezi e una gena in sa Palestra Manna. E po su cali aprontamentu iat essi partia una mail, publicada de Dagospia, de su diretori de su Parcu de Pompei, s’archeolugu tedescu Gabriel Zuchtriegel, mandada a is funtzionarius de su ministeru, a su capu de sa segreteria tecnica, a su consiglieri diplomaticu e finas a Maria Rosaria Boccia.
Si fait intendiri po pigai is difesas de sa Boccia e de su ministru finas su sindigu de Pompei Carmini Lo Sapio: “Maria Rosaria Boccia non at fatu mancu speru po s’aprontamentu de sa seguresa de su G7”, assegurat.
Màuru Mura
Lunis su dus de cabidanni de su 2024
Attività realizzata col contributo della Regione Sardegna – Imprentas 2023-2024. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2023-2024. Lei Regionali 22/2018
Foto: https://www.ilgiornale.it/news/politica/premier-d-fiducia-sangiuliano-2364378.html
