Unu “processu cogliunadori”, in dd’unu Stadu “fascista” postu in peis de Joe Biden, cun dd’unu pubricu ministeru “de parti” e unu giugi “pagau” chi “parit un’angilu e invecias est unu tiaulu”.
A s’incras de sa decisioni de essiri incurpau po sa chistoni de sa “pornostar”, chi tocata a arregodai est sa borta de unu chi unu presidenti beciu de is Stadus Unidus, benit cundennau, Donald Trump torrat a nai ca issu no at fatu nudda e torrat a si dda pigai cun totus. Ddu fait cun fueddus tostaus po, prus o mancu, coranta minutus in sa Trump Tower, aunia in su 2015 iat annuntziau sa calada in campu. Sa troga de Trump est sempiri sa matessi: aboginai contras de totus po fairi pesai is “donatzionis” amostenduì in su giassu de internet comenti unu “presoneri politigu” Po immoi sa chistioni parit chi funtzionit, difatis at arregortu, a pustis sa cundenna, 34,8 milionis de dollarus: mai bista una cosa aici spantosa! Est a nai, a dogna manera ca su social cosa sua, Truth, nd’at pagau is conseguentzias in sa Borsa.
“Totu lompit de sa Casa Bianca, de Joe Biden e de sa genti sua”, at incurpau Trump, chi, in segus fueddendu de Biden e totu, at nau: “Est su presidenti prus totu, disonestu e chi non scit fairi nudda de totu sa storia”. Duncas atrus fueddus de feli po su giuigi, su pubricu ministeru e su processu. Is segus at finas spiegau poita no at bofiu chistionai cun issus: “Chi naras calencuna cosigedda de sbagliau t’incuprant inderetura de essiri unu testimongiu fartzu”.
“Chi faint custu a mei, ddu podint fairi a totus. Totu custu est prus de importu de mei e de sa presidentzia mia, soi gherrendu po sa Costitutzioni nostra. A perunu presidenti depit sussediri cussu chi est sussedendu a mei, at acabau de nai, torrendu a arregodai ca “sa dì prus de importu de sa storia de is Satadus Unidus at essi su cincu de Sant’Andria.
Màuru Mura
Cenarba, su trintunu de maju de su 2024
Attività realizzata col contributo della Regione Sardegna – Imprentas 2023-2024. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2023-2024. Lei Regionali 22/2018
Foto: https://lanuovabq.it/it/sindrome-italiana-giustizia-politica-contro-trump
